55 dərsə Excel

“55 Dərsə Excel” kitabı yalnız Excelin funksiyalarını deyil, həm də UĞURUN FORMULUnu öyrədir. “Yox, Excel çətindir, öyrənə bilmirəm” deyə düşündükdə kitabın 256-cı səhifəsini açıb aşağıdakı cümlələri oxumaq kifayətdir:

“Excelin limitlərini nəzərə alsaydıq, burada, 256-cı səhifədə kitabımızı bitirməliydik. Biz isə limitləri sevmirik, limitlər aşılmaq üçündür, insanlar üçün isə, ümumiyyətlə, limit yoxdur. Bizim limitlərimiz bir illüziyadır, onlar sadəcə bizim zehnimizdədir və onları biz özümüz yaradırıq.

Əslində isə insan istədiyi hər şeyi edəcək qədər iradə və bacarığa sahibdir. Təki bunun zəhmətinə qatlaşmağa hazır olsun. Uğurun bir düsturu varsa, o da əzm+məqsədyönlü zəhmət+inam+iradədir.”