Danışığınla həyatı qazan

Bu kitab uğur açarlarından biridir. Açarı götür və qapını aç, əziz oxucum!

Savad, təcrübə və bacarıqlarımızdan nə dərəcədə istifadə edə bilirik? İşdə və şəxsi həyatımızda özümüzü doğru ifadə edə bilmək, gördüyümüz işi ən yaxşı formada təqdim etmək uğurumuzu artırır.

Başqalarının bizi maraqla dinləməsini təmin etmək, razı salmaq, qəbul olunmaq, seçilmək və hədəflərimizə çatmaq istəyirik. Bütün bunlar üçün atacağımız ilk addım doğru və təsirli ünsiyyət qurmaqdır. Bunu təmin edən amil isə qüsursuz danışıq qabiliyyətidir.

Bu kitab yaşından, məsləyindən, savadından asılı olmayaraq, bütün insanların karyeralarında və şəxsi həyatlarındakı problemlərin səbəbini tapmağa və onları asan yolla həll etməyə kömək edəcək.

“Danışığınla Həyatı Qazan” kitabında müxtəlif nitq problemlərini aradan qaldıran sistemli məşqlər, dolğun səsə sahib olmağın üsulları, bədən dili, xüsusi mərasimlər üçün şablon çıxışlar, iş görüşündə, şəxsi münasibətlərdə ilk görüşdə danışıq qaydaları, düzgün nəfəs almağın yolları, danışığı ilə uğur qazanmışların həyat hekayələri, intonasiyalı, təsirli danışmağın, toplum qarşısında sərbəst nitq söyləməyin qaydaları və sair vacib məsələlər əksini tapıb. Nəfis tərtibatda olan kitabda çox sayda şəkildən istifadə olunub.