Doktor Sinelnikovun praktik kursu

Psixologiya və şüuraltı ilə bağlı məlumatınız varsa, məsələniz hər nə isə onun həllində psixoloji yolların mövcudluğuna inanırsınızsa, bu kitab bir çox şeyləri həll edəcək. Kitabı oxuya-oxuya, praktik üsulları siz də özünüz üçün tətbiq edərək özünüzə konsultasiya keçmiş olacaqsınız. Bununla da bir çox şüuraltı kodlarınızı aça biləcəksiz. Bəlkə önəmsiz hiss etdiyiniz məsələ, bəlkə uşaqlıqda hansısa unudulmuş xatirə, bəlkə də basdırılmış hiss, düşüncə – hər nə isə onun (onların) üzə çıxması həyatımızı tamam dəyişir. Və təkcə o kodun tapılması problemin ən az 50%-i həll etmiş olur. Önəmli olan nə hiss etdiyini inkar etməməkdir. Hiss etdiyin şeyə (nə olmasından asılı olmayaraq) hörmət etməkdir və onun sənə göstərmək istədiyi məsələyə qarşı açıq olmaqdır.