Ərəb dilini öyrənməyin zərurəti

Mürtəza Mütəhhəri ərəb dilinin zəruriliyinə iki prizmadan yanaşır: dini və milli. Müəllif qeyd edir ki, əgər biz dinimizin dilini, yəni ərəb dilini bilməsək, səmavi mətnləri daha yaxşı başa düşə bilməyəcək və islami kimliyimizi layiqincə qiymətləndirə bilməyəcəyik.

Azərbaycan xalqının milli-mədəni sərvətinin, cümhuriyyət və milli fikir bazasının müəyyən hissəsini ərəb dili və sözləri təşkil edir. Məgər ərəb dilini bilmədən Füzulini, Nizamini, Rəsulzadəni, Əli bəy Hüseynzadəni lazımi səviyyədə anlamaq olarmı?! Bu baxımdan ərəb dili bir xalq olaraq bizim üçün də əhəmiyyət daşıyır.

İkinci çıxışda isə Mütəhhəri ərəb dilinə dəyər qazandıran və ona ölməzlik bəxş edən Quranın bir çox cəhətlərinə – söz növündən olmasına, həmişəyaşarlıq xüsusiyyətinə, elmi və intellektuallığına toxunur və möcüzəvi bir mətn olduğunu sübut edir.