intihar və Ruhun Ölümsüzlüyü

Siz bir müşahidəçi kimi müəyyən bir məqama yerləşdirildiniz; geri çağırılmadan o məqamı tərk etdiyinizdə Tanrıya qarşı üsyan etməklə günahkar və Onun qəzəbinə düçar olmuş olursunuz. Soruşuram, Tanrının məni bu məqama yerləşdirdiyi fikrinə necə qapılırsınız? Həyata gəlməyimi, insanların könüllü əməllərinə əsaslanan uzun səbəblər zəncirinə borclu olduğumu düşünürəm. Lakin, Tanrı bütün bu səbəbləri istiqamətləndirdi və kainatda onun razılığı, dəstəyi olmadan heç bir şey gerçəkləşməz. O halda, ölümüm öz istəyim olsa da, Onun razılığı olmadan gerçəkləşməz. Ağrı və iztirab həyatdan bezdirəcək qədər səbrimi tükətdikdə, dəqiq və açıq ifadələrlə məqamımdan geri çağırıldığım nəticəsinə gələ bilərəm.