60 saniyədə insan tanıma sənəti

Təbriz Hacıyev – Yalan Üzrə Ekspert, Profayler. Moskva şəhərində yerləşən “Yalanın Beynəlxalq Araşdırılması Akademiyası”nda ixtisasartırma mərhələsini tamamlamış və mütəxəssis profayler (insan profilinin analizi) ixtisasına yiyələnmişdir. Azərbaycanda ilk dəfə olaraq “Operativ psixodiaqnostika” və FACS (Facial Action Coding System) – Üz Əzələlərinin Kodlaşdırılması Sistemi layihələrinin rəhbəri olmuşdur. DİN (Daxili İşlər Nazirliyi), FHN (Fövqəladə Hallar Nazirliyi), eləcə də, digər müxtəlif güc strukturlarında təlim və seminarlar vermişdir. Bu günə qədər keçdiyi təlimlərin ümumi həcmi 4000 saat və 20 000 nəfəri əhatə etmişdir.

İlk dəfə mən 2011 – ci ildə təlim sektorunda “60 saniyədə insan Tanıma Sənəti” layihəsini təqdim edərkən hamı bir fikir maraqlandırırdı: Həqiqətən belə qısa zaman ərzində insanların xarakterini analiz etmək mümkündürmü? “Profayling- 60 saniyədə insan tanıma sənəti” kitabı sizdə sürətli analiz etmək bacarığını formalaşdıracaq və siz insanları daha da yaxından tanıyacaqsınız. Bundan əlavə, öz xarakterinizi asanlıqla müəyyən edərək, cəmiyyətdə hansı vəzifənin sizin üzərinizə düşdüyünü anlayacaqsınız.