ilahi Ədalət

Nə üçün dünyada ayrı-seçkilik və fərqlər mövcuddur? Nə üçün biri ağ, digəri isə qaradır? Nə üçün biri gözəl, digəri isə çirkindir? Nə üçün biri sağlam, digəri isə şikəstdir? Hətta nə üçün biri insan, digəri isə qoyun və ya soxulcan, biri bitki, digəri isə qeyri-üzvi maddədir? Nə üçün biri şeytan, o biri isə mələkdir? Nə üçün hamı bir deyil? Nə üçün hamı ağ və ya qara deyil? Nə üçün hamı gözəl və ya çirkin deyil? Nə üçün nəsnələr var olur, sonra isə yox olurlar? Nə üçün ölüm var?

Mürtəza Mütəhhəri “İlahi ədalət” kitabında fəlsəfənin və teologiyanın ən ağır mövzularından hesab olunan “ədalət” və “şər” mövzusunu araşdırır. Müəllif yuxarıdakı suallara əqli, həm də yeri gəldikcə şərq dünyasının arif şairlərinin şeirlərindən istifadə edərək poetik-irfani cavablar axtarır.

Həm mövzunun əhəmiyyəti cəhətindən, həm də müəllifin qələm məhsulu ol­ması baxımından “İlahi ədalət” böyük mütəfəkkirin ölməz əsərlərindən hesab olunur.