Yazı və yaşam kitabı

Kitabda Martin Paj gənc yazıçı Darianın məktublarını cavablandırır. Ona yazıçılıqla bağlı məsləhət verməklə yanaşı, ədəbi mühitdə, eləcə də cəmiyyətdə mövqe tutmağın, həmçinin öz zəif tərəfləri və qorxuları ilə mübarizə aparmağın yollarını başa salır. İncəsənətin ən gənc sahəsi və müəyyən qədər geniş imkanları olan ədəbi yaradıcılığın incəliklərini təhlil edir. Təcrübəli yazıçı olaraq təxəyyül və təsəvvürü müqavimət üsulu və məhrəm yaradıcılığın əsası kimi gördüyündən ədəbiyyatı idmanın döyüş növlərindən birinə bənzədir.