Biznes Kitabları sahibkarların özünü inkişaf etdirmələri üçün ən effektiv kitablar silsiləsindəndir. Novella Kitab Evi olaraq oxucularımıza ən yaxşı 6 biznes və özünü inkişaf kitablarını listələdik.
Çağımız internet dövrü olsa da, kitab oxumaq, başqalarının təcrübələrini paylaşmaq üçün vacib bir vasitədir. Xüsusilə yeni iqtisadiyyat sahəsində (istəsəniz bunu ‘internet iqtisadiyyatı’ adlandıra bilərsiniz), real və virtual rəflərdə qızıl məlumatlarla dolu biznes kitabları çoxdur. Bu kitabları dəfələrlə oxduqdan sonra belə, təkrar oxuduqca hər dəfə özünüz üçün yeni nələrisə kəşf edəcəksiniz.
Hər ay bir-iki ədəd biznes haqında kitablar oxumaq sizin bu sahədə inkişafınızda mühüm rol oynayacaqdır. Kitabları oxuyub bitirdikdən sonra “hə, çox faydalı bilgilər var” deyərək kitabı bağlayıb kənara qoymaqla iş bitmir. Mümkün qədər oxuduqlarınızı təcrübədən keçirin. Sizin “təcrübə filtir”inizdən keçmiş və işinizə yarayan üsulları gördükdə həmin kitab və ya kitabların sizin iş həyatınızda nə dərəcədə önəmli olduğunu hiss edəcəksiniz.
Əgər haradan başlayacağınızda qərarsız qalmısınızsa, Novella Kitab Evi sizlər üçün Azərbaycan dilinə tərcümə edilən 6 effektiv biznes kitabları təqdim edir.
1. Eric Ries – Qənaətçil startap
“Erik əvvəllər yalnız incəsənətin hökm sürdüyü bir sahəni elmi baxımdan izah edib. Hər bir sahibkar və innovasiya ilə maraqlanan hər bir menecer bu kitabı mütləq oxumalıdır”.
Mark Andrissen, “Andreessen Horowitz”, “Opsware” və “Netscape” şirkətlərinin həmtəsisçisi
“Bu kitab həm sahibkarlar, həm də daha güclü sahibkarlıq instinktlərinə yiyələnmək istəyən menecerlər üçün zəruri ədəbiyyat olmalıdır. Risin kitabında möhtəşəm hekayətlər yer alıb. Hələ “kaş beş il əvvəl biləydim…” deyəcəyiniz saysız-hesabsız praktik prinsipləri demirəm…”
Den Hes, “Switch” və “Made to stick” kitablarının həmmüəllifi
“Ris bizə startapları əhatələyən qeyri-müəyyənlik dumanını necə yarıb keçməyi göstərdi. Onun yanaşması kəskin, tövsiyələri praktik və isbatlıdır. “Qənaətcil Startap” sahibkarlıqla bağlı düşüncələrimizi dəyişəcək. Startapların uğur səviyyəsi yüksəldikcə o, qlobal iqtisadi artımı son illər yazılmış istənilən menecment kitabından daha şiddətlə sürətləndirəcək”.
Tom Eyzenmann, sahibkarlıq üzrə professor, Harvard Biznes Məktəbi
“Qənaətcil Startap” elə bir kitabdır ki, ondakı dərsləri bütün sahibkarların mənimsəməsini və tətbiq etməsini istəyirəm. Bilirəm ki, startapın uğur ehtimalını yüksəltmək məsələsində bundan daha yaxşı bir bələdçi yoxdur”.
Miç Keypur, təsisçi, “Lotus Development Corp.”
“Erikin “Asana”dakı məsləhətlərinin faydasını gördüyümüz üçün bəxtimiz gətirmişdi. Bu kitab vasitəsilə isə o, daha çox sahibkarın öz biznesi ilə bağlı çətin suallara cavab tapmasına kömək edəcək”.
Dastin Moskovitz, “Facebook” və “Asana” şirkətlərinin həmtəsisçisi
“Risin möhtəşəm kitabı dövrümüzün mühüm liderlik problemi olan təşəbbüs göstərməyi və artımı idarə etməyi başa düşmək üçün əsas modeldir”.
Uorren Benis, biznes üzrə professor, Cənubi Kaliforniya Universiteti, “Hələ də təəccüblənir: liderliklə keçən bir həyatın memuarı” kitabının müəllifi
2. Richard Koch – 80/20 prinsipi
Məşhur sahibkar və müəllif Riçard Kox biznes dünyasının gedişatını 80/20 prinsipiilə dəyişdirdi. “80/20 yolunu yaşamaq” bestsellerində o, az işləmək və az nigaran olmaqla şəxsi həyatımızın necə dəyişdirilməsinin mümkün olduğunu açıqlayır.
Kox tanınmış 80/20 prinsipini götürür və bu günün dağınıq və stresli dünyasında həqiqətən əhəmiyyət kəsb edən az sayda iş və metodların necə böyük uğurlar və xoşbəxtliklərə apardığını açıqlayır.“80/20 yolunu yaşamaq”bizə “daha az daha çox deməkdir”in, sadəcə, bir deyim deyil, amma hədəflərinizə çatmaq və ən uğurlu həyatınızı yaşamaq üçün əmin bir metod olduğunu ortaya qoyur.
3. Seth Godin -Bənövşəyi İnək
Ənənəvi marketinq daha işləmir… Keçmişdə mükəmməl işləyən “reklam – distribüterlərə paylama – satış – reklam…” qapalı dövrəsi artıq işə yaramır. Nə etməli? Reklam eləməyi dayandır, innovasiya tətbiq etməyə başla. Sənin etməli olduğun – öz brendini qeyri-adi məhsula və ya xidmətə çevirməkdir. Marketinq qurusu və bestsellerlər müəllifi Set Qodinin təqdim etdiyi bu kitab çox sadə bir mesaj verir. Qeyri-adi ol. “Bənövşəyi İnək” iddia edir ki, əmtəələrin və reklamın bugünkü hiper-qarmaqarışıqlığı şəraitində vəziyyətdən qurtulmağın yeganə yolu yeni bir şey, innovasiya, unikallıq və müstəsnalıqdır, – bənövşəyi inək kimi bir fenomen. Set Qodinin bu çağırışı biznes yazıçıları, marketinq mütəxəssisləri, reklamçılar, sahibkarlar, istehsal menecerləri – bir sözlə, dünyaya deməyə sözü olan hər kəs üçün heç vaxt bu qədər yerində və uyğun olmayıb. Set Qodin innovasiya vasitəsilə brendinizin “xariqüladələşməsi” üçün praktiki ipucu verir və bunu tamamilə konkret, real və məşhur şirkətlərin misallarında göstərir.
4. Robert B. Cialdini – İnandırma psixologiyası
Psixologiya üzrə Qərb və Rusiya mütəxəssisləri “İnandırma psixologiyası”nı sosial psixologiya, konfliktologiya və menecment üzrə ən yaxşı dərs vəsaitlərindən biri hesab edirlər. Robert Cialdininin bu kitabı ABŞ-da dəfələrlə nəşr olunub, ümumi tirajı 2 milyondan çoxdur. Sadə üslubu və materialın maraqlı təqdimatı sayəsində oxucuların rəğbətini qazanmış əsərdə müəllif motivasiya mexanizmlərini, informasiyanın dərki və qərarların qəbulu prosesini ən müasir səviyyədə analiz edib.
Yenidən işlənmiş və əlavələr edilmiş bu nəşr psixoloqlara, pedaqoqlara, menecerlərə və siyasətçilərə – insanlara təsir etmək, onları inandırmaq, hərəkətə gətirmək üzrə çalışan peşə sahiblərinə maraqlı olacaq.
5.Malcolm Gladwell – Bir göz qırpımında (Düşünmədən düşünə bilməyin gücü)
“Bir göz qırpımında” düşünmədən düşünməyimiz, bir göz qırpımında verdiyimiz qərarlar haqda kitabdır. Niyə bəzi insanlar qərar verməkdə mahir, digərləri isə bacarıqsızdır? Niyə bəzi insanlar instinktlərinə qulaq asıb qalib gəlir, digərləri isə xətalara ilişib büdrəyir? Beynimiz ofisdə, sinifdə, mətbəxdə, yataq otağında necə işləyir? Niyə ən yaxşı qərarlarımızı başqalarına izah etməkdə çətinlik çəkirik?
Kitabda qeyd olunur ki, qərarları daha rasional olan insanlar geniş məlumata sahib və çox götür-qoy edənlər yox, “incə dilimləmə” sənətini mükəmməlləşdirənlərdir.
6. Malcolm Gladwell – Dahilər və autsayderlər: uğur hekayələri
Bu kitab qeyri-adi davranış nümayiş etdirən insanlar haqqındadır. O insanlar ki, onların hərəkətləri və nailiyyətləri adi çərçivədən kənara çıxır, o insanlar ki, alimlər onları müstəsna kimi səciyyələndirir. Kanadalı sosioloq, jurnalist Malcolm Gladwell bizi belə qeyri-adi adamlarla tanış edir: dahilərlə, biznesmenlərlə, rok ulduzları, kompüter proqramçıları ilə… Həyatda uğur qazanmış vəkillərin sirrini açır, mahir və adi təyyarəçilərdən danışır, asiyalıların riyaziyyatda niyə belə xüsusi istedadlı olduğunu əsaslandırır. Müəllif qeyri-adi insanların həyatını öyrəndikcə sübut etməyə çalışır ki, bizim uğur anlayışı haqqında təsəvvürlərimiz yanlışdır.
Digər biznes kitabları ilə tanış olmaq üçün https://novella.az/janr/biznes səhifəsini ziyarət edin. Həmçinin Türkiyədən Kitab Sifariş edə bilərsiniz.
Biznes kitabları haqqında digər bloglar
Biznes kitabları tövsiyələrimiz ilə özünü inkişaf etdir
Biznes Kitabları sahibkarların özünü inkişaf...