Mənə ölməyi öyrət

Moldovalı yazıçı İqor Volnitskinin “Mənə ölməyi öyrət” romanında ömrünün son mərhələsini yaşayan, uzaq və yaxın keçmişindəki günah əməllərə, totalitar rejimin “cəza aləti” kimi işlədiyi cinayətlərə görə dərin vicdan əzabı duyan Qocanın psixoloji dramı əks olunub.

Müəllif böyük dəqiqlik və ustalıqla baş qəhrəmanının psixoloji aləminə, onun bulanıq şüurunun ən dərin qatlarına enir, ümumilikdə insan idrakının ən sirli və fantastik guşələrinə dalır.

Bu gərginliklə dolu, dərin və parlaq romanı yazarkən müəllif həm Markesin magik realizmindən, həm də Bulqakovun fantastik nəsrindən bəhrələnib.

Erudisiya, fantaziya və kəskin analitik düşüncə sahibi olan müəllif eyni zamanda hallüsinasiya durumlarının təsvirində ustalıq sərgiləyib gözlənilməz sürprizlərlə oxucuları təəccübləndirməyi bacaracaq.